លោកលូឡាជាប់ឆ្នោតប្រធានាធិបតីអាណត្តិថ្មី តែលោកបុលសូណារ៉ូមិនទទួលស្គាល់លទ្ធផល
នៅប្រទេសប្រេស៊ីល ការបោះឆ្នោតប្រធានាធិបតីជុំទី២ នាថ្ងៃអាទិត្យ ទី២៥តុលាបានហុចលទ្ធផលគួរឲ្យភ្ញាក់ផ្អើលយ៉ាងខ្លាំង។ ភ្ញាក់ផ្អើល ព្រោះប្រធានាធិបតីផុតអាណត្តិ លោក លូឡា បានជាប់ឆ្នោតមួយអាណត្តិថ្មីឈ្នះលោក បុលសូណារ៉ូ ដែលបានឈ្នះលោកលូឡានៅក្នុងការបោះឆ្នោតជុំទី១។ នេះគឺជារឿងកម្របំផុតដែលបេក្ខជនជាប់ឆ្នោតលំដាប់ទី២ នៅក្នុងការបោះឆ្នោតជុំទី១ អាចយកឈ្នះគូប្រជែងរបស់ខ្លួនសម្រាប់ការបោះឆ្នោតជុំទី២ ដែលជាវគ្គផ្តាច់ព្រ័ត្រ។