ឥណ្ឌូណេស៊ីបន្ថយការនាំចេញឧស្ម័នទៅសិង្ហបុរី ក្រោយមានរឿងអាស្រូវផ្សែងភ្លើងព្រៃបំពុលបរិយាកាស
ឥណ្ឌណេស៊ីបានសម្រេចនៅថ្ងៃសៅរ៍ទី២៤តុលា កាត់បន្ថយបរិមាណនាំចេញឧស្ម័នធម្មជាតិ ទៅកាន់ប្រទេសសិង្ហបុរី ដើម្បីផ្តល់អាទិភាពដល់សេចក្តីត្រូវការក្នុងស្រុក។ នេះបើតាមអ្នកទទួលខុសត្រូវឥណ្ឌូណេស៊ី។ សេចក្តីសម្រេចនេះធ្វើឡើងក្នុងពេលដែលឥណ្ឌូណេស៊ី កំពុងមានទំនាក់ទំនងការទូតល្អក់កករនឹងគ្នា ដោយហេតុផ្សែងភ្លើងឆេះព្រៃ ហុយបំពុលបរិយាកាសក្នុងតំបន់។ ប៉ុន្តែ វិធានការកំហិតនាំចេញឧស្ម័នមានពាក់ព័ន្ធតែនឹងប្រទេសសិង្ហបុរីមួយប៉ុណ្ណោះ សម្រាប់ពេលនេះ។