ក្រសួងរ៉ែអំពាវនាវឲ្យបញ្ចប់ការជីករ៉ែអនាធិបតេយ្យនៅខេត្តមណ្ឌលគិរី ក្រោយពលរដ្ឋតវ៉ានឹងបម្រាមនេះ
នៅថ្ងៃទី២៣ ខែតុលា ឆ្នាំ២០២៦ ក្រសួងរ៉ែ និងថាមពល អំពាវនាវដល់អាជ្ញាធរ និងអ្នកពាក់ព័ន្ធឲ្យចូលរួមសហការទប់ស្កាត់សកម្មភាពជីករ៉ែអនាធិបតេយ្យ នៅតំបន់មេសំ ក្នុងឃុំចុងផ្លាស់ ស្រុកកែវសីមា ខេត្តមណ្ឌលគិរី។ ការអំពាវនាវនេះធ្វើឡើង បន្ទាប់ពីពលរដ្ឋជាង២០០គ្រួសារនៅស្រុកកែវសីមា បានផ្ទុះការតវ៉ានៅថ្ងៃទី២០ ខែតុលា ដោយចោទថា ការហាមឃាត់ពលរដ្ឋមិនឲ្យជីករ៉ែជាលក្ខណៈគ្រួសារនៅតំបន់នោះ ដើម្បីបើកផ្លូវឲ្យក្រុមហ៊ុនចិនចូលជីករ៉ែ។