បារាំងសម្រេចហាមឃាត់បាតុកម្មទាំងអស់ លើកលែងតែបាតកម្មរៀបចំដោយសហជីព
នៅថ្ងៃសៅរ៍ទី២៤តុលាខាងមុខនេះ ក្រុមបាតុករបារាំងគ្រោងរៀបចំដើរដង្ហែរក្បួនជាថ្មីទៀត ដែលបង្កឲ្យមានការព្រួយបារម្ភ ថាក្រុមជនឆក់ឱកាសអាចចេញធ្វើសកម្មភាពជាថ្មី។ ដើម្បីបង្កាបញ្ហាកុបកម្មហិង្សា វាយបំផ្លាញ និងការលួយប្លន់ទំនិញ រដ្ឋាភិបាលបារាំងបានសម្រេច ហាមឃាត់ក្បួនបាតុកម្មទាំងអស់ទូទាំងប្រទេស លើកលែងតែបាតុកម្មរៀបចំដោយសហជីព។ ការសម្រេចចនេះ ត្រូវបានសហជីព ក្រុមនយោបាយប្រឆាំង និងចលនាបាតុកម្ម បរិហារិះគន់កាន់តែខ្លាំងឡើងទៅលើលោកម៉ាក្រុង និងរដ្ឋាភិបាលបារាំង ថាបានជាន់ឈ្លី សិទ្ធិសេរីភាពបាតុកម្មនិងសិទ្ធិបញ្ចេញមតិ។