ផលិតផលកសិកម្មកម្ពុជាបង្ហាញមុខយ៉ាងហ៊ឹកហ៊ាក់ជាលើកទី១ នៅពិព័រណ៍ចំណីអាហារSIAL ប៉ារីស
សហគ្រាស ក្រុមហ៊ុនផលិតផលកសិកម្មកម្ពុជាប្រមាណជាង៣០បានបង្ហាញមុខយ៉ាងព្រោងព្រាតនៅក្នុងពិព័រណ៍ពាណិជ្ជកម្មម្ហូបអាហារអន្តរជាតិ SIAL Paris ដែលប្រព្រឹត្តទៅពីថ្ងៃសៅរ៍ទី១៧ ដល់ថ្ងៃទី២១តុលា។ ជាលើកទី១នៅក្នុងប្រវត្តិ ចូលរួមរបស់ខ្លួននៅក្នុងពិព័រណ៍ ចំណីអាហារអន្តរជាតិនៅទីក្រុងប៉ារីស(ពិព័រណ៍ស្យាល់ប៉ារីស SIAL Paris) កម្ពុជាមានពន្លាជាតិធំទូលាយនៅក្នុងចំណោមពន្លាជាតិរបស់ប្រទេសជាង១២០ដែលបានចូលរួម។ ឈាង បុប្ផាបានទៅធ្វើបទយកការណ៍នៅឧទ្យានពិព័រណ៍ Parc d’exposition ជាយក្រុងប៉ារីស។