E sollën për trajtim dhe nuk u kthyen më, pacientja mbetet e vetme prej mbi 24 orësh në Emergjencën e QKUK-së
Familjarët e lanë pacienten në Klinikën Emergjente të QKUK-së duke i thënë stafit “na thirrni kur të përfundojnë procedurat”, por prej më shumë se 24 orësh nuk përgjigjen as në telefon. Policia po përpiqet t’i kontaktojë, ndërsa personeli shëndetësor po kujdeset edhe për ushqimin e saj.