លោក អ៊ុំ សំអាន ផ្ញើលិខិតលើកទី២ ទៅលោក ហ៊ុន ម៉ាណែត ទាមទារការធានាផ្លូវការនៅពេលលោកវិលចូលស្រុក
អ្នកនយោបាយប្រឆាំងលោក អ៊ុំ សំអាន បានបន្តផ្ញើលិខិតជាថ្មីទៅកាន់លោកនាយករដ្ឋមន្ត្រី ហ៊ុន ម៉ាណែត ដោយស្នើឱ្យមានការលើកលែងទោស និងចេញលិខិតផ្លូវការធានាសុវត្ថិភាពរូបលោក និងគណប្រតិភូ មុននឹងលោកវិលចូលមកកម្ពុជាដើម្បីជជែករឿងព្រំដែន។ ក្នុងលិខិតចេញផ្សាយនៅថ្ងៃទី១៧ ខែតុលានេះ លោក អ៊ុំ សំអាន បានដាក់សំណើ ៥ចំណុច ពោលបន្ថែម ២ចំណុចទៀត បើធៀបនឹងលិខិតដំបូង ដែលមាន ៣ចំណុច។