ប៉ាគីស្ថាន៖ បាក់ដំបូលសាលារៀន ស្លាប់សិស្សសាលា៣៤នាក់និងគ្រូម្នាក់
ក្មេងសិស្សសាលាចំនួនយ៉ាងតិច៣៤នាក់ និងគ្រូបង្រៀនស្រីម្នាក់ បានស្លាប់កាលពីថ្ងៃព្រហស្បតិ៍ ទី១៥តុលា ដោយគ្រោះថ្នាក់បាក់ដំបូលសាលារៀនមួយ នៅទីក្រុងប៉េឆាវ៉ា ភាគខាងជើងប្រទេសប៉ាគីស្ថាន។ ក្រុមអ្នកជួយសង្គ្រោះ និងសាច់ញាតិបានរួសរាន់ទៅកាន់កន្លែងកើតហេតុ ដើម្បីព្យាយាមជួយជនរងគ្រោះ។ ករណីគ្រោះថ្នាក់របៀបនេះ ធ្លាប់បានកើតឡើងច្រើនដងហើយ នៅប៉ាគីស្ថាន។