លោក ហ៊ុន ម៉ាណែត៖ សូមពលរដ្ឋកុំទៅដកប្រាក់ពីធនាគារ ព្រោះប្រព័ន្ធធនាគារកម្ពុជានៅតែរឹងមាំ
នាយករដ្ឋមន្ត្រីកម្ពុជា លោក ហ៊ុន ម៉ាណែត នៅថ្ងៃទី១ តុលានេះ បានបដិសេធការផ្សព្វផ្សាយព័ត៌មានដែល ថា ពលរដ្ឋគួរទៅដកប្រាក់ពីធនាគារព្រោះរដ្ឋាភិបាលកំពុងអស់ប្រាក់ហើយ។ បើតាមលោក ហ៊ុន ម៉ាណែត រដ្ឋាភិបាលនៅតែមានសាច់ប្រាក់សម្រាប់បំពេញកាតព្វកិច្ចចំណាយ ខណៈប្រព័ន្ធធនាគារនៅតែដំណើរការជាធម្មតា។ អ្នកជំនាញសេដ្ឋកិច្ចយល់ថា ប្រព័ន្ធហរិញ្ញវត្ថុ និងធនាគារនៅកម្ពុជាហាក់បាត់បង់ទំនុកចិត្ត ដោយសារបញ្ហាលាងលុយកខ្វក់ និងឧក្រិដ្ឋកម្មឆបោកតាមអនឡាញ។