អេស្តូនីសន្និដ្ឋានចោទរុស្ស៊ី ថាជាអ្នកនៅពីក្រោយការបង្កអគ្គីភ័យនៅសហគ្រាសផលិតសព្វាវុធ
កាលពីពាក់កណ្តាលខែសីហា មានករណីវាយប្រហារបង្កអគ្គីភ័យមួយ បានកើតឡើងនៅទីតាំងសហគ្រាសផលិតសព្វាវុធរ៉ូបូទំនើប នៅទីក្រុងតាលីន ប្រទេសអេស្តូនី។ ឆ្លងកាត់ការស៊ើបអង្កេត រដ្ឋាភិបាលអេស្តូនីបានសន្និដ្ឋានថា គឺរុស្ស៊ីដែលជាអ្នកនៅពីក្រោយការវាយប្រហារនេះ។ សហភាពអឺរ៉ុប និងអូតង់ បានប្រកាសភ្លាមដែរ គាំទ្រចំពោះការសន្និដ្ឋាននេះ ដោយលើកឡើងថានេះមិនមែនជាលើកទី១ទេ ដែលរុស្ស៊ីវាយប្រហារដោយលាក់មុខ មកលើបណ្តាប្រទេសអឺរ៉ុប ក្នុងគោលបំណងបំបែកបំបាក់សាមគ្គីរវាងអឺរ៉ុបនឹងអ៊ុយក្រែន។