ទឹកជំនន់ ផ្តាច់ជីវិតមនុស្សសរុប២៣នាក់នៅថៃ និងយ៉ាងតិច៨នាក់នៅភូមា
ស្ថានភាពទឹកជំនន់នៅតែបន្តធ្ងន់ធ្ងរនៅទីក្រុងបាងកក និងខេត្តប្រមាណ២៩របស់ថៃ។ គិតត្រឹមថ្ងៃអង្គារទី២៩កញ្ញា មានមនុស្សស្លាប់សរុប២៣នាក់ ក្នុងនោះ៤នាក់នៅទីក្រុងបាងកក។ នៅភាគខាងត្បូងភូមាវិញ ទឹកភ្លៀងធ្លាក់ជោគជាំប្រមាណ១សប្តាហ៍មកនេះ បានបង្កជាទឹកជំនន់និងគ្រោះថ្នាក់បាក់ដី ផ្តាច់ជីវិតមនុស្សយ៉ាងតិច៨នាក់ និងប្រមាណ៣០នាក់ទៀតបាត់ខ្លួនរកមិនទាន់ឃើញនៅឡើយ។