កូរ៉េខាងត្បូងទាមទារឲ្យអ៊ុយក្រែនសុំទោស ដែលទម្លាយការសម្ងាត់រឿងបញ្ជូនចំណាប់ខ្មាំងកូរ៉េខាងជើង
វិមានប្រធានាធិបតីកូរ៉េខាងត្បូង បានទាមទារការសុំទោសជាផ្លូវការ ពីសំណាក់អ៊ុយក្រែន ដែលបានទម្លាយជាសាធារណៈ នូវការបញ្ជូនចំណាប់ខ្មាំងកូរ៉េខាងជើង២នាក់ទៅឲ្យកូរ៉េខាងត្បូង។ សេអ៊ូលបានអះអាងថា អ៊ុយក្រែនបានក្បត់កិច្ចព្រមព្រៀងរក្សាការសម្ងាត់។ តែភាគីអ៊ុយក្រែនវិញ បានលើកឡើងថា អ៊ុយក្រែនជាប្រទេសបើកចំហ គ្មានការលាក់បាំង ហើយរឿងរ៉ាវរុស្ស៊ីយកទាហានកូរ៉េខាងជើងមកច្បាំងនៅអ៊ុយក្រែន គឺជារឿងដែលត្រូវតែបង្ហាញឲ្យពិភពលោកបានដឹង។