ចារកិច្ចអេហ្ស៊ីបបានប្រាប់លោកនេតាន់យ៉ាហ៊ូ មុនថ្ងៃ៧តុលា អំពីគម្រោងវាយប្រហាររបស់ក្រុមហាម៉ាស
យោងតាមការចុះផ្សាយ របស់ទស្សនាវត្តីអាមេរិក The Atlantic នៅថ្ងៃទី២៦កញ្ញា គឺលោកនាយករដ្ឋមន្ត្រីអ៊ីស្រាអែល បេនចាមិន នេតាន់យ៉ាហ៊ូ បានដឹងដំណឹងស្តីពីគម្រោងវាយប្រហាររបស់ក្រុមហាម៉ាស តាំងតែពីមុនថ្ងៃទី៧តុលា២០២៣ម្លេះ។ គឺភ្នាក់ងារចារកិច្ចរបស់អេហ្ស៊ីប ដែលប្រាប់ដំណឹងនេះមកកាន់លោកនេតាន់យ៉ាហ៊ូ។ ការចុះផ្សាយដំណឹងនេះ ចំពេលជិតបោះឆ្នោតនៅអ៊ីស្រាអែល កំពុងតែធ្វើឲ្យលោកនេតាន់យ៉ាហ៊ូ ជួបការលំបាកនយោបាយ ខណៈកន្លងមកក្រុមបក្សប្រឆាំងបានអះអាងរួចហើយ ថាលោកនេតាន់យ៉ាហ៊ូ បានធ្វេសប្រហែលខ្លាំង បណ្តោយឲ្យក្រុមហាម៉ាសចូលមកសម្លាប់ប្រជាជនអ៊ីស្រាអែល។