នៅមហាសន្និបាតអ.ស.ប. នាយករដ្ឋមន្រ្តីអ៊ីស្រាអែលបរិហាក្រុមប្រទេសដែលចោទអ៊ីស្រាអែលពីបទប្រល័យពូជសាសន៍នៅហ្កាហ្សា
ឡើងថ្លែងនៅមហាសន្និបាតអង្គការសហប្រជាជាតិ នៅថ្ងៃព្រហស្បតិ៍ទី ២៤កញ្ញា នាយករដ្ឋមន្រ្តីអ៊ីស្រាអែល លោក បេនចាមិន នេតាន់យ៉ាហ៊ូ បានរិះគន់មិនសំចៃមាត់ វាយប្រហារក្រុមប្រទេសដែលចោទអ៊ីស្រាអែលថាបានប្រព្រឹត្តអំពើប្រល័យពូជសាសន៍នៅហ្កាហ្សា។ ដូចរាល់ឆ្នាំ នៅមុនការឡើងថ្លែងរបស់នាយករដ្ឋមន្រ្តីអ៊ីស្រាអែល គណៈប្រតិភូមកពីប្រទេសជាច្រើនដែលគាំទ្របុព្វហេតុប្រជាជនប៉ាឡេស្ទីន បាននាំគ្នាក្រោកដើរចេញ មិននៅស្តាប់សុន្ទរកថារបស់មេដឹកអ៊ីស្រាអែល។