ថៃអវត្តមាននៅក្នុងសន្និសីទអន្តរជាតិដើម្បីប្រយុទ្ធប្រឆាំងនឹងការឆបោកអនឡាញរៀបចំដោយកម្ពុជា
កម្ពុជាធ្វើជាម្ចាស់ផ្ទះរៀបចំសន្និសីទអន្តរជាតិលើកទី១ ស្តីពីការប្រយុទ្ធប្រឆាំងនឹងការឆបោកតាមប្រព័ន្ធបច្ចេកវិទ្យាពីថ្ងៃទី២៣ ដល់ថ្ងៃទី២៤ ខែកញ្ញា ឆ្នាំ២០២៦ នៅក្នុងទីក្រុងភ្នំពេញ។ សន្និសីទនេះបានចូលរួមដោយថ្នាក់ដឹកនាំមកពីប្រទេសជាង ២០ នៅក្នុងតំបន់ និងប្រទេសមហាអំណាច ដូចយ៉ាងអាមេរិក និងចិន រួមទាំងតំណាងអង្គការអន្តរជាតិ និងស្ថាប័នពាក់ព័ន្ធធំៗចំនួន៦ រួមមានអង្គការសហប្រជាជាតិ ទីភ្នាក់ងារ FBI ឬ Interpol ជាដើម។ តែអ្វីជាការកត់សម្គាល់ ថៃមិនបានបញ្ជូនតំណាងរបស់ខ្លួនឲ្យចូលរួមនៅក្នុងសន្និសីទនេះទេ បើទោះបីជាកន្លងមក សំណុំរឿងឆបោកអនឡាញនៅកម្ពុជាតែងត្រូវបានភាគីថៃយកធ្វើជាលេសដើម្បីវាយប្រហារ និងឈ្លានពានទឹកដីកម្ពុជា។