Forbidden Stories៖ ការស៊ើបអង្កេត ប្រតិបត្តិការបណ្តេញជនអន្តោប្រវេសន៍ ទ្រង់ទ្រាយធំ ចេញពីទឹកដីអាមេរិក
ម៉ិកស៊ិក អ៊ីស្វាទីនី ឬ ប៉ាណាម៉ា នៅក្រោមអាណត្តិថ្មីរបស់លោក ដូណាល់ ត្រាំ ជនអន្តោប្រវេសន៍ជាង ២ ម៉ឺន ៥ ពាន់ នាក់ ត្រូវបានអាជ្ញាធរអាមេរិកបណ្តេញចេញពីទឹកដីរបស់ខ្លួន ទៅកាន់ប្រទេសទី ៣ ទាំអស់នេះ ដែលមិនមែនជាប្រទេសកំណើតរបស់ពួកគេ ។ វិទ្យុបារាំងអន្តរជាតិ RFI រួមសហការជាមួយស្ថាប័នសារព័ត៌មានអន្តរជាតិជាង ២៥ ផ្សេងទៀត បានធ្វើការស៊ើបអង្កេតដ៏ធំមួយ ពាក់ព័ន្ធនិងប្រត្តិបត្តិការចាប់បញ្ជូនទាំងបង្ខំ ជនអន្តោប្រវេសន៍ ចេញពីទឹកដីអាមេរិក ។ ផ្តួចផ្តើមគំនិត ដោយបណ្តុំសារព័ត៌មាន Forbidden Stories ក្រោមចំណងជើងថា The Deportation Project អ្នករាយការណ៍ពិសេសប្រចាំវិទ្យុបារាំងអន្តរជាតិ RFI បានជួបសម្ភាសន៍ជាមួយជនអន្តោប្រវេសន៍ ៣ រូប ដែលបានរៀបរាប់នូវអ្វីដែលពួកគេបានឆ្លងកាត់ ។